Kursaalek eta Miramar Jauregiak 55 milioi eurotik gorako inpaktu ekonomikoa eragin dute
Gaur goizean, Kursaalek bere jardueraren laburpena eman du ezagutzera 2023an. Urte hori jarduera-maila bikainagatik nabarmendu zen, estandarrak are gehiago handituz eta hazten jarraituz. Kursaal Elkarteak, 2020tik Miramar Jauregiaren kudeaketaz arduratzen denak, eragin ekonomiko nabarmena izan du Gipuzkoan, eta guztira 55,4 milioi euro sortu ditu bi egoitzen artean. Baterako fakturazioa, Kursaal eta Miramar Jauregietakoak, 5 milioi eurokoa izan zen, aurreko urtean baino % 4.2 gehiago.
Era berean, diruzaintzako superabit kontsolidatu berri bat lortu da, EBITDAri dagokionez 823.271 eurora iritsiz, jardueraren eta diru-sarreren maila bikainaren eta gastuaren kudeaketa eraginkorraren ondorioz. Lorpen horri esker, 2023an egindako gastu arrunta eta inbertsio osoa finantzatu ahal izan da, 685.866 eurokoa.
Azken urtean, Miramar Jauregiak jarduera-erritmo sendoarekin jarraitu du, eta 235 ekitaldi izan ditu, guztira 24.870 pertsonarekin. Gainera, urtea % 6ko gehikuntzarekin itxi zuen, 2022ko diru-sarrerekin alderatuta, eta berriz ere diruzaintzako superabita lortu zuen.
Iaz egindako kongresuen artean, nabarmentzekoak dira 2D Materials Kongresua, Workshop S-Snom eta Organic Battery Days 2023, nanoteknologian, optikan eta energia berriztagarrietan adituak eta profesionalak erakarri zituzten nazioarteko ekitaldiak. Baita Osasun Digitalari buruzko Nazioarteko X. Kongresua edo Emakundek antolatutako Berdintasunerako Nazioarteko Kongresua ere. Udako Ikastaroen programazio zabala ahaztu gabe, aurreko edizioan lurraldean emandako 133 ikastaroetatik 95 Miramar Jauregian egin dira.
![kursaal. balance económico 2023](https://www.miramar.eus/wp-content/uploads/2024/03/240229_kursaal_11-scaled.jpg)