Bere edertasunagatik eta gastronomia bikainagatik ospetsua, Donostia abegikorrak bisitaria lehen begiratuan gatibatzen du.
Donostia hiri atsegina, erosoa eta irisgarria da, ekitaldiak eta kongresuak egiteko behar diren azpiegitura eta zerbitzuekin prestatua. Hiriak arlo guztietan erakusten duen kalitatea dela eta, urtero Euskadiko kongresuen helmuga gisa baloraziorik onena lortzen du.
Ehun kilometroko erradioan, Gipuzkoako hiriburua autobide sare zabal baten, trenbide linea baten eta hiru aireporturen bidez lotuta dago nazioan eta nazioartean. Kalitatezko hotel-azpiegitura batekin batera, negozio-turismoko kongresista edo bisitariarentzako helmuga ezin hobea bihurtzen dute.
Hiriak hornitzaileen tokiko eskaintza zabala du bileren sektorerako, baita ekitaldi sozialak egiteko espazio enblematikoak ere. Gainera, jarduera osagarrien aukera ugariak (hala nola kultura, sukaldaritza edo kirol jarduerak) ezin hobeak dira zure konbentzioari amaiera bikaina emateko, dena hiritik atera gabe.
Haren kokapen pribilegiatuak aukera ematen du erakargarritasun handiko helmugetara azkar iristeko: Gipuzkoako kostaldea eta barnealdea, euskal-frantziar kostaldea, Bilbo bere Guggenheim bikainarekin, etab.
Gipuzkoa
Antzinako lurralde historiko hau landa-eremuaren, industria-arloaren eta hiri-arloaren arteko oreka harmonikoagatik nabarmentzen da.
Arrazoi asko daude Gipuzkoa ezagutzeko, bertako euskal kultura tradizionalean murgiltzeko, mendi eta haranen arteko herri ezkutuak ezagutzeko edo herri bitxiz josita dagoen kostalde malkartsua esploratzeko.
Sukaldaritzaren paradisu honetan, dena dago ahosabaiaren eskura, pintxoen ibilbideetatik hasi eta Michelin izarreko bazkarietaraino.
Kirola eta abentura protagonista diren ingurune naturala.
Gipuzkoa milaka aukera dituen lurralde bat da.
Informazio gehiago:
